معارض للحكومة يملك ببغاء...الببغاء يسمع صاحبة يسب بالحكومة كل يوم فهو هم تعلًم منه...ببغاء و عندكم الحساب...الأمن داهم البيت بعد فترة و أعتقل المعارض...شافوا الببغاء بالقفص فقرروا أن يصيرون براسه أوادم فأطلقوا سراحه...الببغاء كام يطير من مكان الى مكان و وين ما يوكر يكعد يسب بالحكومة...أنتشر خبر الببغاء بين الناس و وصل الخبر للأمن اللي نصبوا كمين للبغاء بواسطة لكط نوعيته أحسن من نوعية طحين الحصًة و لزموه...حاروا الأمن شيسوون بالببغاء...الضابط قرر أن ينتف ريش الببغاء ريشة ريشة حتى بعد ما يكدر يطير و يحبسة بالقفص مال دجاج المدير عقوبة له على سب الحكومة...خطية دخلوا الببغاء قفص الدجاج و هو أملط ما باقي على جسمة ريشة واحدة...طبعا الدجاج خرب ضحك على الببغاء و كاموا يتوشوشون بيناتهم و يباوعون على الببغاء و يضحكون...الببغاء المسكين ما تمالك أعصابة و صاح بكل علو صوته على الدجاج و قال لهم " شبيكم....شنو بعمركم ما شايفين معتقل سياسي "
No comments:
Post a Comment
اهلا بكل اصدقاء العراقي