2010-08-13

هسه ما افتهمنه...المحبس وينه

علاوي راح يسوي تحالف مع الاكراد و يشكل الحكومه....لا لا الحكيم راح يسوي تحالف مع الصدر و المالكي و يسوي حكومه... لا لا شنو هالحجي....علاوي راح يشترك مع المالكي و يشكل الحكومه...معوًد انته شدهرطق تره الحكيم راح يطبك ويه الاكراد و يشكلون حكومه...هاي انته شكد عتيك..هسه يكلًك الصدر راح يصير ويه علاوي ...زين بفد لباس و يشكلون الحكومه...اهووو ..انته نايم و رجليك بالشمس اليوم الاخبار تكول الحكيم راح يشترك ويه الصدر و يحاولون يقنعون حسنه ملص ان تنظم للتحالف و يشكلون الحكومه...يابه و لا واحد بيكم يفتهم...الصدك ان الصدر و الاكراد راح يقنعون المالكي و الثلاثه يشكلون الحكومه....شوف هذا شديخربط...بابا حزب الحمير الكردي راح يطبك ويه علاوي و يشكلون الزريبه...عفوا قصدي الحكومه..انته الظاهر الحر بدأ ياثرعلى مخك...الحقيقه هيه انه كتله الحكيم راح تشترك مع كتله علاوي و الصدر و تشكل الحكومه...لا يمكن هاي كلناها سابقا...خلي نعيد الاخبار من جديد  

و لحد الآن لم يحزر أي واحد المحبس بأي أيد....كل رمضان وانتم و لعبه المحيبس بخير