2013-01-29

قصًة الخيار

 خيروه و قالوا له
 زرًان لا ثالث لهما يا جبًار
 أحدهما أسود و الثاني أبيض
 و لك أنت الخيار
لو دست على الزر الأبيض فسيكون كل الشعب أخوة
 أحبة..سعداء و أحرار
 لكن كرسيك و من عليه وحوله سينهار
 و سيكون الوطن سعيدا برحيلك
 و سيبني الوطن من بعدك الأخيار
 و لو دست الزر الأسود
 فيا هول ما سترى
موت و خراب و دمار
 ربما سيطول عمرك قليلا
 و لكن عليك أن تتشبث بالكرسي بقوًة
 حتى لا يقتلعه أنت و من معك الأعصار
 و ستكون أنت و رهطك و كل الكذابين معك
 خبرا عاجلا في نشرة الأخبار
 خيرناك فأنظر أنت فيما تختار
 ***************************************
 
قال لهم يا هالربع..المسألة كلش بسيطة
 فالشعب و الوطن و بغداد الحبيبة
 أمانة في رقبتي
 و حبهم في ثنايا قلبي
 قد عشعش و ذاب
 و أنا هنا خادمهم
 و بمائة يوم راح أخليهم
 ياكلون من كل ما خلقه الله ومما لذ و طاب
 سيارات و فلل و قصور لكل واحد
 و كافيار و عنب و فاكهه و أرطاب
 و آني شنو وجودي أذا ما أخلي العالم كله
 يباوع على العراق و الغيرة تاكل بقلبه
 و الكل يحسدنا و يكول و بحسرة
 سبحان الله العاطي الوهاب
 و قال للكل و هو يدوس الزر الأسود
 توكلنا على الله مسبب الأسباب
 هب الأعصار و أنلاصت المسألة
 و لك ليش يا مسودن سويت هيجي
 مو أنت الي قلت آني خوش ولد و حباب
 كال يا جماعة أختلطت علي الألوان
 كلها بسبب كم فقاعة طكت يم عيني
 و خلتني أنسى يساري من يميني
 و أعذرني يا شعب العراق ترة مو قصدي
 و هاي مؤامرة ضدكم و ضدي
 رتبتها القاعدة و جماعة البعث و الأرهاب
 يابة و الله أحنا من البداية عرفناها
 حيلك و اكاذيبك و أوامر فقيهك
 و من بعيد شفناها
 فأنت و كل ربعك يا أبو الفقاعة
 شر و حل على كل الرقاب
 وماكو ألك و للي وياك دواء
غير نعال و قندرة و قبقاب
 فكلنا يا أبو الفقاعة عارفينك
 
كذاب و الله العظيم كذًاب
 
 
 
 
يا ترى على منو ديحجون بهاي القصيدة ؟
 


2013-01-02

حكاية بابا نؤيل العراقي

بابا نؤيل ..ليش ما أجيت

مو كل أطفالنا بالعراق أنتظروك

أبني الصغير أجاني مقهور

 قال لي بابا آني كلش زعلت و بكيت
ليش يا بابا  نؤيل ما أجيت
أجاني المسكين بابا نؤيل
كال ...أعتذرلي من أطفالكم
حاولت أجي بس ما كدرت
و بالهم و الحسرة صفيت
بابا نؤيل شنو المشكلة
خوما كام الفيت بمب مال عربانتك
لو حتى تاكسي يجيبك للعراق ما لكيت
كال لا و الله..مو هاي المشكلة
المشكلة بالوضع المخربط مالكم
سيطرة تكلي أنطينا نص الألعاب حتى نخليك تفوت
و المليشيات يكولولي سني أنت لو شيعي
جاوب حتى تموت
و شوارعكم كلها طسًات و حفر و غركانة
و يمكن بألف حفرة ماء مطر مليانة

 طسًيت و غطًيت
و واحد يقول لي أنت ليش مسوي لحية
أنت من القاعدة لو سعودي
و اللخ يكوللي أنت ليش لابس أحمر
أكيد أنت كافر و شيوعي
و الثالث يسألني ليش شايل كيس مليان
أكيد حاط بيه مفخخة يا عدو أمام الزمان
و الله من كل هذا و ذاك تعبت و ملًيت
شلون أخلًي الأطفال يفرحون و آني نفسي صرت كئيب
و الوضع المخربط اللي عندكم فد شئ تعيس و رهيب
و كيسي اللي أتفرهد من السيطرات
و ما بقى فيه أي شئ للأولاد
حطني بموقف ما أنساه للممات
و تسألني ليش ما أجيت يا لبيب
المرة القادمة راح أستبدل لعب الأطفال
بفلاتر لتصفية المياه الغير نظيفة
أو أجهزة كشف الأشعاعات المميتة
أو غيرها من الأشياء المفيدة
أحسن من لعب أطفال بريئة
و أنتوا يا عراقيين
مو ترة آني من شفت حالكم
من قهري متت و طكيت
ترة كل واحد منكم يكدر يصير بابا نؤيل
روحوا و شيلوا الظلم من على رؤسكم
و حطًوا أيديكم بأيد بعضكم
و أنسوا غير أنكم تنتمون لعراقكم
و أخلقوا مستقبل أفضل لأجيالكم
حتى تشوفون ألف بابا نؤيل
كل يوم يزوركم
و ألا فأعذرني و لا تسألني
ليش بابا نؤيل ما أجيت