اثناء زيارتي لبلاد الحجي اوباما و نزولي في احد الفنادق قرات على احدى علب السكر و المغلف بعبوات صغيره لاستخدامها في عمل الشاي داخل غرفه الفندق المثل التالي
“Of all the thirty-six alternatives, running away is best.”……..Chinese proverb
و حسب ما اعتقد انه مرادف للمثل الذي يقول ..... الهروب ثلثين المرجله
هاي شنو ...و آني اللي عبالي بس احنه عندنا هذا المثل...طلع الصينيين مكتشفين هذا المثل من زمان....و الله صحيح....كلشي هذه الايام طلع "صنع في الصين" حتى في الامثال
شوف همه الصينين هم عدهم عقل ويفكرون فسوو المثل بالصيني
ReplyDeleteزين بس خلي نتفق على اسم لاوباما
اني اسمي عبود ابو الطرشي بصراحة
شلون فكرت بحجي اوباما؟
برجوازينا....كل رئيس امريكي لازم يروح و يحج للقدس و يلبس قلنسوه اليهود و يتباكى امام حائط المبكى الا فلن يرضى عنه بنو قريضه.و هكذا جاء لقب حجي اوباما و لو على ما اعتقد هو لم يحج لحد الان
ReplyDeleteو حتى الناس تتبعك و تكون سياسي ناجح لازم اكو لقب يسبق الاسم " و احيانا يتبع الاسم " كلقب آيه الله او سماحه السيد او الحاج الطاهر و الخ من الالقاب الاخرى و لاباس ان تتبع اللقب بجنجلوتيه ثانيه كقدس الله ذيله او سخم الله وجهه و ما الى ذلك للتاكيد على طهاره الذيل و حسن النسب..لم اجد لاوباما غير لقب الحجي و بس و البقيه تاتي بمرور الزمن
ReplyDeleteبس ماعرفنا شنو الستة وثلاثين بديل آخر للهرب؟
ReplyDeleteعشتارتنا....و الله ما خليت واحد صيني اعرفه ما سالته نفس السؤال...اثنين منهم باوعو عليهه و هزوا يدهم و دمدموا بالصيني " يمكن جانت رزاله بالصيني" و اربعه منهم انطوني كم فلس عبالهم عندي اضطراب عقلي و سته منهم نصحوني اروح للتبت و ابقى كم سنه اتتلمذ على يدي الدلاي لاما و بعدين هوه الجواب يجيني و الباقي ما حجوا شي بس جنت شايف الجواب بعيونهم.... عشتارتنا يعني همه الصينيين اللي اخترعوا المثل مدايعرفون الجواب...شلون تريديني اني اللي ما اعرف افرق بين الصيني و الكوري اعرف الجواب
ReplyDelete