2010-04-28

شنو رأيكم



استوقفتني هذه الصوره...و جال بخاطري احتمالات عديده حول ما يحاول هذا الجندي ان يفعله

الاحتمال الاول : شايف فلم جاكي شان البارحه و ديحب يقلد

الاحتمال الثاني: معجب بالرجل العنكبوت و يحاول يمشي مثله

الاحتمال الثالث: شكل الباب يذكره بواحد يكرهه

الاحتمال الرابع: ديشوف هل ان حدادين العراق عفاريت و يسوون خوش شغل

الاحتمال الخامس : لون الباب ما عاجبه

الاحتمال السادس: ماكو جرس

الاحتمال السابع: اتذكر يوم عرسه

الاحتمال الثامن: الباب كان كلش نظيف و الزلمه شاف انعكاس صورته " احتمال شويه ضعيف

الاحتمال التاسع : ايده توجعه و ما ديكدر يدق الباب

الاحتمال العاشر: لاحكه كلب

الاحتمال الحادي عشر: اهل البيت سمعهم ثقيل

الاحتمال الاخير: بقفاه اكو حنكريص و بعد مدا يتحمل  " ارجوكم محد يسالني شنو الحنكريص" لاني ما اعرف

بس ابدا  لايروح  فكركم لبعيد و عبالكم انه هذا الجندي الحباب ديحاول يكسر الباب حتى يفوت للبيت غصبا على انوف ساكنيه...ما يتجرأ  و الا كان الحكومه العراقيه سحقت راسه...مو صحيح

  

3 comments:

  1. نسيت الاحتمال الثالث عشر :

    يريد يدز هاي الصورة لحبيبته !

    ReplyDelete
  2. عشتارتنا....هاي فاتتني...صحيح لعد شلون يثبت لحبيبته انه جاب السبع من ذيله غير بمثل هيجي صوره...عفيه عليك

    ReplyDelete
  3. ههههههههههههههههههههههههههههههههههههههههههههههههههههههههههههههههه
    اضحك الله سنك والله ضحكت من قلبي على تعليقاتك على الصورة

    ReplyDelete

اهلا بكل اصدقاء العراقي