2009-12-29

ليش ماكو خدمات





طرق توليد الطاقه آخذ في الازدياد و يحوزعلى اهتمام المختصين و الحكومات على السواء و خصوصا مع المحاولات لايجاد بدائل للنفط . فبالاضافه الى محطات التوليد النوويه هناك الحراريه و الغازيه و الهيدرولوكيه و الجيوثيرمال والشمسيه غيرها . وهناك نوع اخر من انتاج الطاقه من الازبال . نعم من الفضلات العضويه التي تدفن و الغازالناتج عن التحلل يستخدم لتوليد الطاقه .

زين العراق عنده نفط للمحطات الحراريه و عنده غاز للمحطات الغازيه و عنده سدود للمحطات الهيدرولوكيه و عنده شمس للطاقه الشمسيه و حتى عنده زبل مالي الشوراع للمحطات العضويه زين ما دا
افتهم ليش عدنه كل هذا بس ما عدنه كهرباء ؟ليش ما يصلحون المحطات القديمه و يبنون محطات جديده من اي نوع كان

الجواب اعتقد كما ذكرت رئيسة اللجنة المالية
الاء السعدون ان العجز الحالي في ميزانية الدولة يبلغ واحد وعشرين تريليون دينار مطالبة بان لا يتم تحميل الموازنة المقبلة اعباء اكثر . و الجماعه ميكدرون يصرفون بعد فلوس لهاي الكماليات . شفتوا احنا شكد طماعيين و نطالب الحكومه بكهرباء و مستشفيات و علاج طبي و تحسين شبكه المياه و الصرف الصحي وبناء المدارس و المجمعات السكنيه...الخ والجماعه خطيه ما عدهم فلوس بس خافوا يكللولنه خوفا على مشاعرنا من الصدمه " باعتبار العراقي مدلل و حساس
"
يا جماعه راعوا مشاعر الحكومه مثل مدتراعي مشاعركم ....خطيه بعد ما ديتحملون

ملاحظه : الصوره الي خليته فوك مال جنود امريكان ديصيدون الكلاب و البزازين " جمع بزونه " حفاظا على صحه المواطن العراقي و بعدين راح ينظفون الشارع وره مايخلصون الصيد

لبيب العراقي

5 comments:

  1. اجرب ان ابعث اليك تعليقا

    لماذا لا تجعل شعار موقعك

    اللبيب تكفيه الإشارة

    توضع تحت العنوان (عراقي بن عراقي)

    لأن اسم الموقع بالانجليزية هو لبيب 80

    ReplyDelete
  2. لازم تشوف حل ايضا لمسألة الكتابة العربية وضرورة بدايتها من اليمين وليس اليسار.

    ReplyDelete
  3. اذهب الى الاعدادات في مدونتك والى قسم (التنسيق) . هناك سؤال

    (تمكين المحاذاة العائمة) وامامه اختياران (نعم) و (لا) . جرب استخدام مرة نعم ومرة لا وانظر مع اي الخيارين تتحول الكتابة الى اليمين حسب الاصول

    ReplyDelete
  4. شكرا عشتار انتي تدللين آني غيرت الشعار

    حاولت التنسيق بس ما فرقت

    راح اقرا عن الاعدادات و كيفيه التغيير بالانترنت حتى اشوف اشلون نغيرها

    ReplyDelete
  5. استاذتي عشتار

    أعتقد اني حليت المشكله و الكتابه الان من اليمين الى اليسار ...شكرا على التنبيه

    ReplyDelete

اهلا بكل اصدقاء العراقي